|
 |
 |
 |
 | |
 edrychwch ar ein blog | |
|
Tegeingl - Gwyl y werin gudd Awst 15-16, 2008 Rydym yn trefnu digwyddiad newydd sbon yn Yr Wyddgrug, i'w gynnal ar 15fed-16eg Awst, 2008. Gwyl traddodiadau celfyddyd cyhoeddus fydd Tegeingl. Trwy’r wyl byddwn yn adlewyrchu’r gelfyddyd a’r diwylliant gwerin gyfoethog sydd wedi datblygu a goroesi yma yn ardal y Decangli ar hyd y canrifoedd. Mae lleoliad Tegeingl/Sir y Fflint yma ar y ffin gyda’r llanw a thrai o ddiwylliannau yn golygu bod cymysgedd cyfoethog ac unigryw iawn o hanes, treftadaeth a chelfyddyd yn yr ardal. Bydd yr wyl yn ddrws agored y gall ymwelwyr o bell ac agos gamu trwyddo i brofi a chymryd rhan yn y gorau o ddiwylliant ac adloniant Cymraeg a Chymreig. Amcan arall yw darparu llwyfan yng Nghymru i artistiaid o wledydd eraill. Bydd caneuon, alawon, dawnsfeydd a chwedlau gwerin traddodiadol a chyfoes ein hardal a'n gwlad yn cael sylw a llwyfan ochr yn ochr â'u bath o wledydd eraill. Bydd nifer fawr o stondinau crefftau, nwyddau a chynnyrch lleol, ogystal â offer a cherddoriaeth: popeth i blesio pawb! | |||||
| ||||||